• కాకాణి నాయకత్వంలో విజయమే లక్ష్యంగా ముందుకు..
• ఇంటింటా ప్రచారంలో దూసుకుపోతున్న వైసీపీ అభ్యర్థులు
• పొదలకూరు మండలంలో వైసీపీ జెండా ఎగరేయడమే లక్ష్యం
• జడ్పీటీసీ అభ్యర్థి బచ్చల సురేష్ కుమార్ రెడ్డి, ఎంపీటీసీ అభ్యర్థి వాణి విస్తృత ప్రచారం

పొదలకూరు,(అక్షర దర్శిని):

పొదలకూరు మండలంలో స్థానిక సంస్థల ఎన్నికల వేడి రాజుకుంది. విరువూరు గ్రామంలో వైఎస్సార్‌సీపీ ఎన్నికల ప్రచారం జోరందుకుంది. మాజీ మంత్రి, ఉమ్మడి నెల్లూరు జిల్లా వైఎస్సార్‌సీపీ అధ్యక్షుడు డాక్టర్ కాకాణి గోవర్ధన్ రెడ్డి ఆశీస్సులు, నాయకత్వంలో పార్టీ అభ్యర్థులు విజయమే లక్ష్యంగా ప్రచారాన్ని ముమ్మరం చేశారు. వైసీపీ నాయకులు, కార్యకర్తలు పెద్దసంఖ్యలో తరలిరావడంతో విరువూరు గ్రామంలో సందడి నెలకొంది.

వినాయకుని ఆశీస్సులతో ప్రచారానికి శ్రీకారం

ఎన్నికల ప్రచారంలో భాగంగా ముందుగా గ్రామంలోని శ్రీ వినాయకస్వామి ఆలయంలో వైసీపీ నాయకులు ప్రత్యేక పూజలు నిర్వహించారు. అనంతరం జడ్పీటీసీ అభ్యర్థి బచ్చల సురేష్ కుమార్ రెడ్డి, ఎంపీటీసీ అభ్యర్థి వాణి పార్టీ శ్రేణులతో కలిసి ఇంటింటా ప్రచారం చేపట్టారు. ప్రజలను ఆప్యాయంగా పలకరిస్తూ వారి సమస్యలను అడిగి తెలుసుకున్నారు. వైఎస్సార్‌సీపీ అభ్యర్థులను భారీ మెజారిటీతో గెలిపించాలని ఓటర్లను అభ్యర్థించారు.

కాకాణి నాయకత్వమే మా బలం..

సర్వేపల్లి నియోజకవర్గంలో మాజీ మంత్రి కాకాణి గోవర్ధన్ రెడ్డి నాయకత్వమే తమకు బలమని వైసీపీ నాయకులు పేర్కొన్నారు. ఆయన ఆశీస్సులతో పొదలకూరు మండలంలో వైసీపీ అభ్యర్థుల విజయానికి కృషి చేస్తున్నట్లు తెలిపారు. గ్రామస్థాయి నుంచి పార్టీని మరింత బలోపేతం చేసి ప్రతి ఎంపీటీసీ స్థానంతో పాటు జడ్పీటీసీ స్థానాన్ని కైవసం చేసుకుంటామని ధీమా వ్యక్తం చేశారు.

కూటమి పాలనకు ఓటుతో బుద్ధి చెప్పాలి..

కూటమి ప్రభుత్వ పాలనపై ప్రజల్లో తీవ్ర అసంతృప్తి నెలకొందని వైసీపీ నాయకులు విమర్శించారు. ప్రజలకు ఇచ్చిన హామీల అమలులో ప్రభుత్వం విఫలమైందని ఆరోపించారు. స్థానిక సంస్థల ఎన్నికల్లో ప్రజలు తమ ఓటుతో కూటమి ప్రభుత్వానికి తగిన గుణపాఠం చెప్పాలని పిలుపునిచ్చారు. ఎన్ని అడ్డంకులు ఎదురైనా వైసీపీ శ్రేణులు వెనక్కి తగ్గబోవని స్పష్టం చేశారు.

పొదలకూరు మండలమంతా వైసీపీ జెండా ఎగరాలి..

పొదలకూరు మండలంలోని ప్రతి గ్రామంలో వైఎస్సార్‌సీపీ జెండా రెపరెపలాడేలా కార్యకర్తలు సైనికుల్లా పనిచేయాలని నాయకులు పిలుపునిచ్చారు. కాకాణి గోవర్ధన్ రెడ్డి మార్గదర్శకత్వంలో పార్టీ అభ్యర్థులందరినీ గెలిపించుకోవడమే తమ లక్ష్యమని పేర్కొన్నారు. ప్రజల ఆశీస్సులు, కార్యకర్తల కృషితో స్థానిక ఎన్నికల్లో వైసీపీ సత్తా చాటుతుందని ఆశాభావం వ్యక్తం చేశారు.ఈ ప్రచార కార్యక్రమంలో వైసీపీ నాయకులు, మహిళలు, యువకులు, కార్యకర్తలు పెద్దఎత్తున పాల్గొన్నారు. ఇంటింటా ప్రచారంతో విరువూరు గ్రామంలో వైసీపీ శ్రేణులు ఎన్నికల సందడి సృష్టించాయి. స్థానిక ఎన్నికల్లో సత్తా చాటి సర్వేపల్లిలో వైసీపీ బలాన్ని మరోసారి నిరూపిస్తామని నాయకులు ధీమా వ్యక్తం చేశారు.