• మండల వ్యాప్తంగా జోరుగా ఎన్నికల ప్రచారం నిర్వహిస్తున్న జడ్పిటిసి అభ్యర్థి రావి మల్లీశ్వరి
• ఎన్నికల ప్రచారంలో పాల్గొంటున్న మండల టిడిపి నాయకులు

చేజర్ల: చేజర్ల మండలం ఆదురుపల్లిలో టీడీపీ జడ్పీటీసీ అభ్యర్థి రావి మల్లీశ్వరి ఎన్నికల ప్రచారం నిర్వహించారు. ఈ సందర్భంగా గ్రామంలోని ఓటర్లను కలిసి సైకిల్ గుర్తుకు ఓటు వేసి, అత్యధిక మెజారిటీతో తనను గెలిపించాలని అభ్యర్థించారు. టీడీపీ ప్రభుత్వం చేపడుతున్న అభివృద్ధి, సంక్షేమ కార్యక్రమాలను ప్రజల్లోకి తీసుకెళ్తూ పార్టీ కరపత్రాలను పంపిణీ చేశారు. రానున్న ఎన్నికల్లో సైకిల్ గుర్తుకు ఓటు వేసి తనకు మద్దతు ఇవ్వాలని ఓటర్లను కోరారు.

ఈ ప్రచార కార్యక్రమంలో టీడీపీ మండల కన్వీనర్ షేక్ సిరాజుద్దీన్, మాజీ ఎంపీపీ రావి పెంచలరెడ్డి, సీనియర్ టీడీపీ నాయకుడు పెంచలనాయుడు, జిల్లా మాజీ బీసీ సెల్ ఉపాధ్యక్షుడు చీర్ల వెంకటేశ్వర్లు, ఎస్సీ సెల్ నాయకుడు సోమవరపు హజరత్, టీడీపీ మండల ముస్లిం మైనార్టీ అధ్యక్షుడు పఠాన్ షాన్వాజ్ పాల్గొన్నారు. వీరితో పాటు పలువురు టీడీపీ నాయకులు, కార్యకర్తలు ప్రచారంలో పాల్గొని అభ్యర్థికి మద్దతుగా ఓటర్లను కలిశారు.