విశాఖలో అక్రమ మద్యం సీజ్: ఇద్దరి అరెస్ట్, కేసు నమోదు

విశాఖపట్నం(అక్షర దర్శిని):

విశాఖపట్నం వన్ టౌన్ పోలీస్ స్టేషన్ పరిధిలోని కురుపం మార్కెట్ సమీపంలో అక్రమంగా మద్యం విక్రయిస్తున్నారనే నమ్మదగిన సమాచారంతో పోలీసులు మెరుపు దాడులు నిర్వహించారు. వన్ టౌన్ సీఐ పూడి వరప్రసాద్ ఆదేశాల మేరకు సిబ్బంది నిర్వహించిన ఈ రైడ్‌లో భారీగా అక్రమ మద్యాన్ని స్వాధీనం చేసుకున్నారు.

ఘటన వివరాలు:

కురుపం మార్కెట్ ప్రాంతంలో చట్టవిరుద్ధంగా మద్యం విక్రయాలు జరుగుతున్నట్లు సమాచారం అందడంతో సీఐ వరప్రసాద్ తనిఖీలు చేపట్టారు. ఈ దాడుల్లో 82 మద్యం బాటిళ్లను స్వాధీనం చేసుకుని, అక్రమ విక్రయాలకు పాల్పడుతున్న ఇద్దరు వ్యక్తులను అదుపులోకి తీసుకున్నారు. నిందితులపై ఏపీ ఎక్సైజ్ యాక్ట్ కింద కేసు నమోదు చేసి, కోర్టులో హాజరుపరచనున్నట్లు పోలీసులు తెలిపారు.

సిఐ వరప్రసాద్ హెచ్చరిక:

ఎన్నికల నేపథ్యంలో నగరంలో ఎలాంటి అక్రమ కార్యకలాపాలు సాగనివ్వమని వన్ టౌన్ సీఐ వరప్రసాద్ స్పష్టం చేశారు. "ఎవరైనా అక్రమంగా మద్యం నిల్వ ఉంచినా, విక్రయించినా లేదా ఓటర్లను ప్రభావితం చేసేందుకు మద్యం, ఇతర విలువైన వస్తువులు పంపిణీ చేసినా కఠిన చర్యలు తప్పవు. అక్రమ కార్యకలాపాలకు పాల్పడే వారిపై కేసులు నమోదు చేసి చట్టపరంగా తీవ్రమైన చర్యలు తీసుకుంటాం" అని ఆయన హెచ్చరించారు

ఇవి కూడా చదవండి :: పొదలకూరు ఎంపీటీసీ అభ్యర్థులకు విజ్ఞప్తి..